ფინანსთა სამინისტროს ინფორმაციით, შვედეთსა და საქართველოს შორის 14 დეკემბერს ხელშეკრულება გაფორმდა, რომლის თანახმადაც, 2010 – 2013 წლების განმავლობაში შვედეთი საქართველოსთვის განვითარების მიზნით თანამშრომლობის ფარგლებში 51 მილიონი ევროს გამოყოფს, რაც ყოველწლიურად 13 მილიონ ევროს შეადგენს.
ქვეყნების შეთანხმების მიზანია თანამშრომლობის იმ ძირითადი სფეროების განსაზღვრა, რაც მომავალში საქართველოსა და ევროკავშირს შორის ევროპული სამეზობლო პოლიტიკის სამოქმედო გეგმის განხორციელებას დაეხმარება.
საქართველო და შვედეთი 2010-2013 წლებში დემოკრატიული მმართველობის განვითარებასა და ადამიანის უფლებათა დაცვის, გარემოს დაცვისა და ვაჭრობისა და კერძო სექტორის განვითარების სფეროებში ითანამშრომლებენ.
