სოფლის მეურნეობის სამინისტროს ინფორმაციით, სოფლის მეურნეობის მინისტრმა ბაკურ კვეზერელმა გარდაბნის მიწები დაათვალიერა, სადაც ჯაგერის ჯიშის ამერიკული ხორბალია დათესილი. მინისტრის აზრით, აღნიშნულმა პროექტმა გაამართლა-“მაგრამ საბოლოო შეფასების გაკეთება ზაფხულში, მოსავლის მიღების შემდეგ, გახდება შესაძლებელი”, – განაცხადა ბაკურ კვეზერელმა.
ამერიკული თესლის საქართველოში შემოტანა სოფლის მეურნეობის პროგრამის ფარგლებში განხორციელდა. ეს პროგრამა პილოტურ ხასიათს ატარებდა და საქართველოს თითქმის ყველა რეგიონს მოიცავდა, საბოლოოდ გადაწყდა, რომ მისი განხორციელება მომავალშიც გაგრძელდება.