საქართველოსა და ევროკავშირის 27 წევრ სახელმწიფოს შორის ბრიუსელში გაფორმებული შეთანხმების მიხედვით, საქართველო ევროპის ერთიანი საჰაერო სივრცის ნაწილი გახდა.
საქართველოს მხრიდან ხელშეკრულებაზე ხელი ვერა ქობალიამ მოაწერა, ევროკავშირის მხრიდან კი – ევროკომისიის ვიცე-პრეზიდენტმა ტრანსპორტის საკითხებში, ევროკავშირის თავმჯდომარე ქვეყნის, ბელგიის სამეფოს მობილურობის სახელმწიფო მდივანმა და მისმა სხვა კოლეგა-მინისტრებმა ევროკავშირის ქვეყნებიდან.
საქართველოს ხელისუფლება იმედოვნებს, რომ ამ ხელშეკრულებიდან გამომდინარე, ქვეყანას ახალი პერსპექტივები შეექმნება. საქართველოს ავიაბაზარზე შემოვლენ მსოფლიოს მსხვილი კომპანიები, რაც შექმნის ახალ სამუშაო ადგილებს და გაზრდის მომსახურების ხარისხს; ასევე ქართულ ავიაკომპანიებს, ამ შეთანხმების საფუძველზე, მოეხსნებათ ევროპაში ფრენის შეზღუდვები.