საქართველოს ბანკი მომხმარებელს ახალ სერვისს, „ენერგოკრედიტს“ სთავაზობს. აღნიშნული სესხი ენერგოეფექტური აპარატურისა და მასალების შესაძენად გაიცემა.
სესხი 22– დან 65 წლამდე საქართველოს მოქალაქე ფიზიკურ პირზე გაიცემა, მისი წლიური საპროცენტო განაკვეთი 14 %-დან იწყება და თანხის დაფარვის მაქსიმალური ვადა 120 თვეა.
„ენერგოკრედიტით“ სარგებლობისას სასესხო ანგარიშზე სესხის საწყისი ძირითადი თანხის 15% სუბსიდიის სახით ბრუნდება BP-ს პარტნიორი ორგანიზაციებისგან.
აღნიშნულ პროექტს ევროპის რეკონსტრუქციისა და განვითარების ბანკი აფინანსებს (EBRD) საქართველოს ენერგოეფექტურობის პროგრამის (GEEP) მიერ “საქართველოს ბანკისათვის” გახსნილი სპეციალური საკრედიტო ხაზის გავლით.