ფინანსთა სამინისტროს საგამომიძიებო სამსახურის თანამშრომლებმა ინდმეწარმე გელა პატარაია დააკავეს, რომელიც, გამოძიების ვერსიით, თევდორე მღვდელის ქუჩაზე მდებარე შპს ”ბრილიანტის” სავაჭრო ცენტრში ოქროს ნაკეთობებით სასაქონლო ზედნადების გარეშე ვაჭრობდა.
ფინანსთა სამინისტროს ოფიციალურ ვებ-გვერდზე მითითებულია, რომ პატარაიას დაკავება მაშინ მოხდა, როდესაც მან ერთ-ერთ მოქალაქეს 13 500 ლარი ღირებულების ოქროს ბეჭდები, სამაჯურები, მედალიონები და საყურეები გადასცა და მყიდველის მოთხოვნის მიუხედავად, არ გამოუწერა შესაბამისი საგადასახადო დოკუმენტი – სასაქონლო ზედნადები.
ამ დროისათვის მიმდინარეობს წინასწარი გამოძიება საქართველოს სისხლის სამართლის კოდექსის მე-200 პრიმა მესამე მუხლით, რაც ითვალისწინებს თავისუფლების აღკვეთას სამ წლამდე ვადით.