აბაშიშვილმა ამის შესახებ დღეს გამართულ სპეცილურ ბრიფინგზე განაცხადა:

“ეს იქნება ძალიან ღია პროცესი. შესაბამისად, დღეიდან მე ვიწყებ კონსულტაციებს საერთაშორისო საფინანსო ინსტიტუტებთან, არასამთავრობო ორგანიზაციებთან, დარგის ექსპერტებან და ბიზნესასოციაციებთან, საბანკო სფეროს წარმომადგენლებთან, საქართველოს პარლამენტთან, ეკონომიკური პროფილის სამინისტროებთან და საქართველოს ეროვნულ ბანკთან.”

აბაშიშვილის განცხადებით, ქვეყანაში მიმდინარეობს ეროვნული ბანკის უარგუმენტო დანაწევრების პროცესი: 

“საუბარია იმ ინსტიტუტზე, რომელიც საერთაშორისო საფინანსო ინსტიტუტების შეფასებით, მაღალპროფესიონალურ დონეზე ასრულებს თავის მოვალეობას. მათ შორის განსაკუთრებით საბანკო ზედამხედველობის სფეროში. ამავდროულად საუბარია იმაზე, რომ შემოთავაზებული ცვლილებები წინააღმდეგობაში მოდის ევროკავშირის ასოცირების ხელშეკრულების დღის წესრიგთან. ასევე, საქართველოს მთავრობის განკარგულებასთან, რომელსაც საქართველოს პრემიერმინისტრი აწერს ხელს, რომელიც შეეხება ასოცირების დღის წესრიგის სამოქმედო გეგმას 2015 წლის. ეს ყველაფერი წინააღმდეგობაში მოდის საერთაშორისო საფინანსო ინსტიტუტების ძალიან ღია შეფასებასთან, ბიზნესასოციაციების და ექსპერტების შეფასებებთან, გავლენიანი არასამთავრობო ორგანიზაციების შეფასებებთან. ამ დრომდე კანონპროეტის ავტორების და არც მათი მხარდამჭერების მხრიდან თუნდაც მცირე პროფესიული არგუმენტიც კი არ იქნა წარმოდგენილი, თუ რატომ უნდა განხორციელდეს ეს ცვლილება.  გარდა ერთისა, რომ ბატონი ქადაგიძე არის მიუღებელი და საჭიროა მისი ნეიტრალიზაცია.”