საქართველოს ეკონომიკისა და მდგრადი განვითარების სამინისტრო იუსტიციის სამინისტროს ყოფილ შენობას 500 000 ლარად ყიდის.
რუსთაველის გამზირის #30-ში მდებარე შენობა-ნაგებობის და მიწის ნაკვეთის ელექტრონული აუქციონი (www.eauction.ge) დღეს, 17:00 საათზე, გაიმართება.
აუქციონის პირობების თანახმად, ობიექტის ახალი მფლობელი ვალდებულია, საპრივატიზაციო ობიექტში განთავსებული მოსარგებლეების უსასყიდლო სარგებლობის უფლება 2012 წლის 1 თებერვლამდე უზრუნველყოს და საპრივატიზებო საფასური ელექტრონული აუქციონის დასრულებიდან 30 კალენდარული დღის განმავლობაში გადაიხადოს.
ამისთვის, საქართველოს ეკონომიკისა და მდგრადი განვითარების სამინისტროში შესული 12.12.2011 წლის № 07/168644-13 წერილის თანახმად, თბილისის მერიის სსიპ “თბილისის არქიტექტურის სამსახური” მზადაა, საპრივატიზაციო ქონების მომავალ განვითარებასთან დაკავშირებით ინვესტორებთან ითანამშრომლოს.