სომხეთის საშემსრულებლო ხელოვნების საერთაშორისო ფესტივალი High Fest-ი ქართული სპექტაკლით “ქაღალდის წვმია” დაიხურა. ნიკა საბელაშვილის სპექტაკლი ოთხი ერთმანეთისგან დამოუკიდებელი ნოველისგან შედგება და სიტყვების გარეშე თამაშდება. წარმოდგენა ერევნის სახელმწიფო თოჯინების დიდ თეატრში გაიმართა. სპექტაკლში ოთხი მსახიობი მონაწილეობს: ირაკლი გოგოლაძე, გიორგი სახამბერიძე, ირაკლი ცქიფურიშვილი და გიორგი ტატიშვილი.
წარმოდგენას საქართველოს ელჩი სომხეთში, თენგიზ შარმანაშვილიც ესწრებოდა: “სპექტაკლი, ერთი შეხედვით, ქართულ მოტივებზე დაფუძნებული არ ყოფილა, სიუჟეტი უნივერსალური ღირებულებებისა და აზრების გარშემო ტრიალებდა, მაგრამ მე მაინც ქართული სპექტაკლი ვნახე. განსაკუთრებული ყურადღება მსახიობების პლასტიკამ და ექსპრესიულობამ მიიპყრო. კარგა ხანია, ასეთი რამ არ მინახავს. კარგია, რომ ეს ახალგაზრდები ეძებენ რაღაც ახალს და, რაც მთავარია, გამოსდით” – განაცხადა თენგიზ შარმანაშვილმა. სპექტაკლის დასრულების შემდეგ ელჩმა მსახიობებს წარმატება მიულოცა.
საშემსრულებლო ხელოვნების საერთაშორისო ფესტივალ High Fest–ში მონაწილეობას 12 ქვეყნის, მათ შორის, დიდი ბრიტანეთის, შვედეთის, გერმანიის, ინდოეთის, ლატვიის და სხვა ქვეყნების 20–მდე თეატრალური დასი იღებდა.
ქართული სპექტაკლი ფესტივალსი ე.წ. Fringe (ჩარჩო) პროგრამაში იყო ჩასმული.
“ქაღალდის წვიმის” ხილვა თბილისელ მაყურებელს დაახლოებით ოქტომბრის შუა რიცხვებიდან შეეძლება.
High Fest-ი ქართული სპექტაკლით დაიხურა
-
17.11.2026
ლე პენის თქმით, პრეზიდენტად არჩევის შემთხვევაში საფრანგეთი უკრაინის დახმარებას გააგრძელებს
-
17.11.2026
მინისტერიალი თუკი იმართება, უნდა იყოს მოწვეული მინისტრი – ბოჭორიშვილი
-
16.11.2026
ბოჭორიშვილმა დაასახელა ქვეყნები, რომლებიც ეუთოს თავმჯდომარეობაზე საქართველოს კანდიდატურას არ ეწინააღმდეგებიან
-
16.11.2026
აზერბაიჯანში NGO-ების საქმიანობის შეჩერებისა და გაუქმების ახალ წესებს ამზადებენ
-
16.11.2026
კალასის თქმით, სირიასთან EU-ს პირობებს შორის უკრაინისა და საქართველოს ოკუპირებული ტერიტორიების არაღიარებაც უნდა იყოს
-
16.11.2026
ილჰამ ალიევის X-ანგარიშზე ოპოზიციის ვიდეოები გამოჩნდა
