ახალი ამბები

ანაკლიის განვითარების კონსორციუმმა ჩინეთში საქმიანი შეხვედრები დაიწყო

18 მაისი, 2015 • 1665
ანაკლიის განვითარების კონსორციუმმა ჩინეთში საქმიანი შეხვედრები დაიწყო

კონსორციუმის დამფუძნებელი, მამუკა ხაზარაძე, პარტნიორებთან ერთად, 7 უმსხვილესი ჩინური კომპანიის წარმომადგენლებს შეხვდება. შეხვედრების მიზანს ანაკლიის პორტის პროექტში პოტენციურ პარტნიორებთან მოლაპარაკება წარმოადგენს.

 

ჩინურ კომპანიებთან თანამშრომლობას “ანაკლიის განვითარების კონსორციუმი” ოთხი მიმართულებით გეგმავს. ეს არის მშენებლობა, ოპერირება, გადაზიდვები და დაფინანსება.
 

ჩინეთში კონსორციუმის წარმომადგენელთა მასპინძელი არის ჩინეთის რკინიგზის მშენებლობის საერთაშორისო კორპორაცია (CRCCI). კონსორციუმის წარმომადგენლები ასევე შეხვდებიან უმსხვილესი ჩინური კომპანიების China Ocean Shipping (ჯგუფი) კომპანია, ექსპორტ-იმპორტის ბანკი ჩინეთი, China განვითარების ბანკი, ჩინეთის ექსპორტი და კრედიტი დაზღვევა Corporation, საერთაშორისო დეპარტამენტის ცენტრალური კომიტეტის CPC და TEDA- Tianjin სამეურნეო-ტექნოლოგიური განვითარების ფართობი წარმომადგენლებს.
 

 

აპრილში, “ანაკლიის განვითარების კონსორციუმმა” ხელი უკვე მოაწერა ხელშეკრულებას თანამშრომლობის შესახებ ჩინეთის უმსხვილეს პორტ ოპერატორთან, Qingdao პორტი International, რომელმაც პროექტის მონაწილეობასთან დაკავშირებით უკვე გამოხატა ინტერესი.
 

 

“ანაკლიის განვითარების კონსორციუმს” ანაკლიის პორტის განვითარების პროექტში პარტნიორობის სურვილი ასევე გამოხატეს ამერიკულმა და ევროპულმა საფინანსო ორგანიზაციებმა OPIC, აშშ ექსიმ ბანკის ს, DEG და FMO.
 

 

“ანაკლიის განვითარების კონსორციუმი”, რომელიც აერთიანებს “თიბისი ჰოლდინგსა” და “კონტი ჯგუფს” საქართველოს მთავრობის მიერ გამოცხადებული ტენდერის ბოლო ეტაპზე მონაწილეობს. ანაკლიის ღრმაწყლოვანი ნავსადგურის მშენებლობისა და განვითარების პროექტზე ინტერესთა გამოხატვის შესახებ მოწვევა გასული წლის აგვისტოში გამოაცხადდა. პროექტთან დაკავშირებით ინტერესი ოფიციალურად გამოხატა თორმეტმა საერთაშრისო და ადგილობრივმა კომპანიამ, რომელთაგან, ბოლო ეტაპზე მხოლოდ 2 კომპანია მონაწილეობს.
 

წინასწარი გათვლებით, პორტის მაქსიმალური გამტარუნარიანობა, მთავრობის გათვლებით, 100 მლნ ტონა იქნება. თუმცა შვიდ ეტაპად გაწერილი მშენებლობის პირველი სამი ეტაპი, მშენებლობის დაწყებიდან 12 წლის ვადაში არანაკლებ 40 მლნ ტონა ტვირთის გამტარუნარიანობას უზრუნველყოფს (მესამე წელს – 7 მლნ ტონა, მეშვიდე წელს – 20 მლნ ტონა და მეთორმეტე წელს არანაკლებ 40 მლნ ტონა).
 

პორტის გარდა, ანაკლიაში დაგეგმილია ლოგისტიკური და სამრეწველო ზონის განვითარება, აგრეთვე საერთაშორისო აეროპორტისა და თხევადი გაზის ტერმინალის მშენებლობა. გეგმის მიხედვით პორტის მშენებლობა 2016 წელს უნდა დაიწყოს.

მასალების გადაბეჭდვის წესი