ერაყის სამთავრობო ძალების განცხადებით, მათ ტიკრიტის ზოგიერთი გარეუბანი უკვე დაიბრუნეს. ოპერაციაში 30 000 ჯარისკაცი და სპეცრაზმელი მონაწილეობს, ასევე ჩართულია ერაყის საჰაერო ძალებიც.
პენტაგონის განცხადებით, აშშ-ის საჰაერო ძალები ამ ოპერაციაში არ მონაწილეობენ.
ერაყის პრემიერ-მინისტრმა, ჰეიდერ ალ-აბადიმ განაცხადა, რომ ოპერაცია კვირას საღამოს დაიწყებოდა. BBC-ის ცნობით, ბრძოლაში 5 ჯარისკაცი და 11 სპეცრაზმელი მოკლეს.
ტიკრიტი სალაჰუდინის პროვინციაში, მოსულისკენ მიმავალ გზაზე მდებარეობს. მოსული ერაყის სიდიდით მეორე ქალაქია და ტიკრიტის მსგავსად, მასაც გასულ წელს დაეპატრონა “ისლამური სახელმწიფო”.
BBC-ის ცნობით, ტიკრიტის გათავისუფლების ოპერაცია, რომელიც ახლა მიმდინარეობს, ერაყისთვის ძალაინ მნიშვნელოვანია, რადგან მოსულის დაბრუნების პერსპექტივაც გაჩნდება.
