ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

გამოცემა The National წერს, რომ აბუ-დაბის ერტ-ერთ სასტუმროში MMA-ის მებრძოლ მერაბ დვალიშვილთან მომხდარი დაპირისპირების საქმეზე სასამართლომ 10 პირი დამნაშავედ ცნო.

მედია წერს, რომ ექვს ბრალდებულს საზოგადოებრივი უსაფრთხოების დარღვევის, პანიკის გამოწვევისა და ადამიანთა სიცოცხლის საფრთხეში ჩაგდების გამო ექვსთვიანი პატიმრობა მიესაჯა. მათ ასევე დაეკისრათ 300 000 დირჰამის ოდენობის ჯარიმა, ხოლო სასჯელის მოხდის შემდეგ – ქვეყნიდან დეპორტაცია.

კიდევ ორ პირს, „საზოგადოებრივი უსაფრთხოების დარღვევისა და სხვებზე თავდასხმისთვის“, 50 000-50 000 დირჰამის ოდენობის ჯარიმა დაეკისრა.
ჩხუბში მონაწილე კიდევ ორ პირს მიესაჯა ექვსი თვით თავისუფლების აღკვეთა, თითოეულს დაეკისრა 300 000 დირჰამის ჯარიმა და დაევალათ დეპორტაცია „ინფორმაციული ტექნოლოგიების გამოყენებით კონფიდენციალურობის დარღვევისთვის – ჩხუბის ამსახველი კადრების გადაღებისა და გამოქვეყნებისთვის“.

მერაბ დვალიშვილის გათავისუფლება დაადასტურა ჭიდაობის ორგანიზაცია Real American Freestyle-ის თანადამფუძნებელმა და აღმასრულებელმა დირექტორმა.

მან დაწერა – „მოხარული ვარ, გაცნობოთ, რომ მერაბ დვალიშვილი ისევ ჩვენთანაა აბუ-დაბიში“.

სპორტულმა ჟურნალისტმა არიელ ჰელვანიმ გაავრცელა ინფორმაცია, რომ გათავისუფლებულია მოჭიდავე საბა ლაზიშვილიც.

დაპირისპირება აბუ-დაბის ერთ-ერთ სასტუმროში მოხდა. მერაბ დვალიშვილი ერთ-ერთი ღონისძიების წინ ინტერვიუს წერდა, რა დროსაც მას უსმან ნურმაგომედოვი და მისი თანმხლები პირები მიუახლოვდნენ. კადრების მიხედვით, ნურმაგომედოვმა დვალიშვილს დაარტყა, რასაც ჯგუფური დაპირისპირება მოჰყვა.

დაგვამატე Google-ში

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.