უკრაინის შეიარაღებული ძალების გენერალურმა შტაბმა, უკრაინის პრეზიდენტის შემდეგ, დაადასტურა რუსეთის ქალაქ პერმში „ლუკოილის“ ნავთობგადამმუშავებელ ქარხანაზე თავდასხმა. ამ ქარხანას უკრაინამ 29 ივლისსაც დაარტყა.
გენერალური შტაბი ამბობს, რომ 21 აგვისტოს ღამით „ლუკოილ-პერმნეფტეორგსინთეზზე“ თავდასხმის შედეგად ქარხნის ტერიტორიაზე ხანძარი გაჩნდა. ზარალის შესახებ სხვა მონაცემები ჯერ არ გავრცელებულა.
უწყების განცხადებით, ნავთობგადამმუშავებელი ქარხანა უკრაინის საზღვრიდან 1500 კილომეტრზე მეტითაა დაშორებული.
გენშტაბის ცნობით, „ლუკოილ-პერმნეფტეორგსინთეზი“ რუსეთის ერთ-ერთი წამყვანი საწარმოა და ის ჩართულია რუსეთის არმიის მომარაგებაში.
პერმის მხარის გუბერნატორმა განაცხადა, რომ „დაფიქსირდა დაზიანება ერთ-ერთ სამრეწველო ობიექტზე“, მისივე თქმით, დაშავებულები არ არიან.
მანამდე ვოლოდიმირ ზელენსკიმ განაცხადა პერმში ნავთობგადამაუშავებელ ქარხანაზე და ვოლგოგრადის რეგიონში „მარინოვკის“ სამხედრო აეროდრომზე დარტყმის შესახებ.