ექსპრეზიდენტ მიხეილ სააკაშვილის ჯანმრთელობის მდგომარეობის შესაფასებლად საქართველოში იმყოფებიან ევროკავშირის მხარდაჭერილი პოლონური სამედიცინო მისიის წარმომადგენლები.
პოლონელი ექიმებისგან შემდგარი ჯგუფი „ვივამედში“ დღეს დილით მივიდა.
„ნაციონალური მოძრაობის“ წევრ გიორგი ჩალაძის ინფორმაციით, ექიმები საქართველოში დარჩებიან იმდენ ხანს, რა დროც დასჭირდება სააკაშვილის ჯანმრთელობის მდგომარეობის გამოკვლევას, სამედიცინო დასკვნა კი კონფიდენციალური იქნება და ევროკავშირის ქვეყნებს გაეცნობა.
მიხეილ სააკაშვილის ოჯახი და პარტია „ნაციონალური მოძრაობის“ წევრები რამდენიმე თვეა ითხოვენ სააკაშვილთან პოლონელი ექიმების დაშვებას.
იუსტიციის სამინისტროში მისიის ჩამოსვლასთან დაკავშირებით კომენტარს არ აკეთებენ, ენმ-ში უწყების თანხმობას ევროკავშირის 27 ელჩის მიერ გადაცემულ დემარშს უკავშირებენ.