ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

გასული ღამის განმავლობაში რუსეთმა უკრაინის რამდენიმე ქალაქი დაბომბა. მათ შორის იერიში მიიტანეს ისეთ დასახლებებზე, რომლებშიც საომარი მოქმედებები ამ დრომდე არ ყოფილა.

როგორც BBC წერს, დაბომბვას დნიპროში, სულ მცირე, ერთი ადამიანის სიცოცხლე ემსხვერპლა. უკრაინული მხარის განცხადებით, დაბომბვა ადგილობრივი დროით 6:10 საათზე დაიწყო. ჭურვები საბავშვო ბაღს, საცხოვრებელ სახლს და ფეხსაცმელების ფაბრიკას მოხვდა, რასაც ხანძარი მოჰყვა.

ქალაქ ლუცკში კი, რუსული მედიის ცნობით, იერიში მიიტანეს ქარხანაზე, სადაც საბრძოლო თვითმფრინავების ძრავის შეკეთება იყო შესაძლებელი. უკრაინული მხარის განცხადებით, ტერიტორია რუსეთის ჯარის მთავარი სამიზნეების სიაში იყო. ამასთან, შეტევა გასული ღამის განმავლობაში გრძელდებოდა ივანო ფრანკოვსკზეც.

რუსული მხარის განცხადებით, მათმა ძალებმა სტრატეგიული მნიშვნელობის ქალაქი ვოლნოვახა დაიკავეს, რასაც ჯერჯერობით უკრაინული მედია არ ადასტურებს.

რუსეთი უკრაინაში 24 თებერვალს შეიჭრა და მას შემდეგ განუწყვეტლივ ბომბავს როგორც სამხედრო ობიექტებს, ისე მშვიდობიან მოსახლეობას. განადგურებულია ცალკეული ქალაქების ინფრასტრუქტურა.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.