გამოძიების ინფორმაციით, ბრალდებულმა ჩხოროწყუს რაიონის სოფელ კირცხში მეუღლეს, 34 წლის ი. ფ-ს ცივი იარაღით ყელის არეში სასიკვდილო ჭრილობა მიაყენა, რის შედეგადაც იგი ადგილზე გარდაიცვალა.
სამართალდამცველების ცნობით, ბრალდებული მომხდარიდან რამდენიმე წუთში შემთხვევის ადგილზე დააკავეს, ხოლო დანაშაულის ჩადენის იარაღი – დანა ნივთმტკიცებად ამოიღეს.
პოლიციის ცნობით, დაკავებული ჩადენილ დანაშაულს აღიარებს.
გამოძიება ოჯახში ძალადობის ნიადაგზე განზრახ მკვლელობის ფაქტზე მიმდინარეობს (საქართველოს სსკ-ის 11 პრიმა-108-ე მუხლით).
