პოლიტიკური მეცნიერი და ფილოსოფოსი, სტენფორდის უნივერსიტეტის დემოკრატიის, განვითარებისა და კანონის უზენაესობის ცენტრის (CDDRL) უფროსი მეცნიერ-თანამშრომელი ფრენსის ფუკუიამა საქართველოში არაფორმალური მმართველობის არსებობაზე საუბრობს.
“საქართველომ დემოკრატიის განვითარების მიმართულებით ძალიან ბევრი რამ გააკეთა, თუმცა კიდევ აქვს გზა გასავლელი. ამ ქვეყანაში ძალაუფლება რეალურად იმ პირის ხელშია, ვინც არჩეული არ არის და ეს სიტუაცია არ წაადგება ნამდვილ დემოკრატიას.
საჭიროა გამჭვირვალობა იმის თაობაზე, ვინ არის მთავარი პოლიტიკური აქტორი სისტემაში”, – განუცხადა ფუკუიამამ ჟურნალისტებს სასტუმრო “რუმსში”, სადაც თემაზე “აშშ-ის საგარეო პოლიტიკა – მისი მნიშვნელობა მსოფლიოსთვის” ღამის დებატებს მასპინძლობს სტენფორდის უნივერსიტეტის დემოკრატიის, განვითარებისა და კანონის უზენაესობის ცენტრი (CDDRL), ფუკუიამას დემოკრატიის ფრონტისპირა ცენტრთან და ეკონომიკური პოლიტიკის კვლევის ცენტრთან ერთად.
ფრენსის ფუკუიამას თქმით, საქართველოს და უკრაინის მსგავს ქვეყნებში დემოკრატიის განვითარება აშშ-ის კონგრესში ორპარტიული მხარდაჭერით სარგებლობს, მიუხედავად იმისა, რა პოზიცია აქვს პრეზიდენტ ტრამპს, რომელსაც “როგორც ჩანს, საკუთარი საგარეო პოლიტიკა გააჩნია”. ფუკუიამამ ისაუბრა რუსეთის ჩარევაზე არჩევნებში მსოფლიოს მასშტაბით და თქვა, რომ საქართველო ამ ტიპის ჩარევისთვის პირველი სამიზნეა. “მე ვფიქრობ, დღეს სოციალური მედია რუსეთს აძლევს ბევრ შესაძლებლობას მედიატექნოლოგიების იარაღად გამოყენებისთვის”,- დასძინა ფუკუიამამ.