“დღეს შემოვიდა ანონიმური ზარი პარლამენტში ბომბის არსებობის შესახებ. ამის შემდეგ პოლიციამ იმოქმედა დადგენილი წესით, პროცედურების დაცვით. მოხდა პარლამენტში მყოფი ადამიანების ევაკუაცია. ადგილზე უკვე გასული არიან გამნაღმველები. მოგვიანებით გაცნობებთ შედეგებს,”- განუცხადა “ნეტგაზეთს” ნინო გიორგობიანმა.
შსს-ს იმერეთი-რაჭა-ლეჩხუმ-ქვემო სვანეთის დეტექტივების სამმართველოს უფროსის სერგო ადეიშვილის თქმით, დღეს, 15:00 საათზე შევიდა პოლიციაში შეტყობინება, რომ ქუთაისში, პარლამენტის შენობა ბომბია:
“შეტყობინების მიღებისთანავე, პოლიციამ მოახდინა ადეკვატური რეაგირება, გამოძახებული იქნა სამაშველო ჯგუფი, გამოძახებულნი იქნენ გამნაღმველები, მოხდა შენობის ევაკუაცია. ამჟამად მიმდინარეობნს განაღმვითი სამუშაოები, საქმე აღძრულია ტერორიზმის შესახებ შეტყობინების მუხლით”, – აცხადებს ადეიშვილი.

