ევროპარლამენტის პრეზიდენტმა და ევროკავშირის საბჭოს თავმჯდომარე ქვეყნის წარმომადგენლმა დღეს, 1 მარტს, საქართველოსთვის უვიზო მიმოსვლის მინიჭების და შეჩერების მექანიზმის შესახებ საკანონმდებლო ცვლილებას ხელი მოაწერეს.
Visa lib signed, congratulations #Georgia pic.twitter.com/dbBCcqSwfk
— Rikard Jozwiak (@RikardJozwiak) March 1, 2017
“რადიო თავისუფალი ევროპის/რადიო თავისუფლების” (RFE/RL) ჟურნალისტი ბრიუსელიდან, რიკარდ იოზვიაკი წერს, რომ ცვლილება ევროკავშირის ოფიციალურ ჟურნალში საბოლოოდ 8 მარტს გამოქვეყნდება, რომელიც 20 დღის შემდეგ ძალაში შევა, რაც ნიშნავს, რომ ევროკავშირთან უვიზო მიმოსვლით სარგებლობა საქართველოს მოქალაქეებს 28 მარტიდან შეეძლებათ.
Visa lib for #Georgia likely to be published in the EU official journal on 8 march so + 20 days means visa free travel on 28 march — Rikard Jozwiak (@RikardJozwiak) February 28, 2017
შეგახსენებთ, რომ ევროპარლამენტმა საქართველოსთან სავიზო რეჟიმის გაუქმებას მხარი 2 თებერვალს დაუჭირა. ევროკავშირთან უვიზო მიმოსვლის სრულად ამოქმედების შემდეგ ბიომეტრიული პასპორტის მქონე საქართველოს მოქალაქეს შეეძლებათ შენგენის ზონის ქვეყნებში ტურისტული მიზნით უვიზოდ გაემგზავროს და 180 დღის მანძილზე 90 დღე დარჩეს.