შობის ღამე სამებაში [ფოტორეპორტაჟი]

დღეს, 7 იანვარს, მართლმადიდებელი ეკლესია ქრისტეს შობის დღესასწაულს აღნიშნავს. საქართველოს მართლმადიდებელი ეკლესიის პატრიარქმა, ილია მეორემ საშობაო ლიტურგია მორწმუნეებით სავსე სამების საკათედრო ტაძარში ჩაატარა, რომელიც ტრადიციულად რამდენიმე საათს გაგრძელდა.

საშობაო სადღესასწაულო ღვთისმსახურებას საქართველოს პრემიერ-მინისტრი გიორგი კვირიკაშვილი, პარლამენტის თავმჯდომარე ირაკლი კობახიძე, დეპუტატები და მთავრობის წევრები დაესწრნენ. სამებაში ქრისტეს შობისადმი მიძღვნილ ლიტურგიას ასევე ესწრებოდნენ ოპოზიციონერი პოლიტიკოსები, მათ შორის, თბილისის ყოფილი მერი გიგი უგულავა, რომელიც სააპელაციო სასამართლომ გუშინ გაათავისუფლა პატიმრობიდან.

წირვის დასრულების შემდეგ პოლიტიკოსებმა საქართველოს მოსახლეობას და მართლმადიდებელ ქრისტიანებს შობის დღესასწაული მიულოცეს.

წირვის დაწყებამდე, სამების საკათედრო ტაძარში შეკრებილმა საზოგადოებამ საქართველოს მართლმადიდებელი ეკლესიის პატრიარქის, ილია მეორის საშობაო ეპისტოლეს მოუსმინა, რომელშიც ყურადღება მაცხოვრის შობის, როგორც უდიდესი ქრისტიანული დღესასწაულის მნიშვნელობაზე გამახვილდა. პატრიარქმა საშობაო ეპისტოლეში ყურადღება გაამახვილა ასევე იმის თაობაზე, რომ ზოგიერთ ქვეყანაში ხდება უწესობის დაკანონება, ხოლო მასმედია და სოციალური ქსელები მათ პროპაგანდას ეწევა.

ნეტგაზეთი გთავაზობთ სამების საკათედრო ტაძარში ჩატარებული საშობაო ლიტურგიისა და წირვის ფოტორეპორტაჟს:

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.