მაშინ, როცა აქცია იშლებოდა, აქციის მონაწილეებთან, დაახლოებით, 5 ახალგაზრდა მამაკაცი მივიდა, რომლებმაც აქტივისტებს ჰომოფობიური ლექსიკით სიტყვიერი შეურაცხყოფა მიაყენეს. ამას მალევე მოჰყვა საპატრულო პოლიციის რეაგირება. ორმა პოლიციელმა ერთ-ერთი მამაკაცი დაიჭირა და ქაშვეთის ეკლესიისკენ წაიყვანა და სხვა პოლიციელებს ეუბნებოდნენ, რომ ის მანქანაში უნდა ჩაესვათ. მოულოდნელად, ქაშვეთის ეკლესიიდან სასულიერო პირი გამოვიდა მრევლთან ერთად და პოლიციელებს აღნიშნული პირი ხელიდან გამოსტაცა. სასულიერო პირმა პოლიციისგან დახსნილი ახალგაზრდა ქაშვეთის ეკლესიაში შეიყვანა.
ინციდენტის შემდეგ პოლიციელებმა ჟურნალისტებს განუცხადეს, რომ მათ არავინ დაუკავებიათ და შესაბამისად, ინციდენტი არ მომხდარა. აქცია სიძულვილის წინააღმდეგ პარლამენტთან უკვე დასრულდა.
25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.
ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.
დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.
წესებსა და პირობებს დეტალურად შეგიძლია გაეცნო მხარდაჭერის პლატფორმაზე.
