საქართველოს კონტროლის პალატის მიერ 10 მაისს გავრცელებული ინფორმაციის მიხედვით, “ქართულ ოცნებას” ფინანსური დეკლარაციის წარდგენისას შემდეგი ხარვეზები დაუდგინდა:
- საბანკო ამონაწერში ფიქსირდება იჯარასთან დაკავშირებული მხოლოდ ერთი ტრანზაქცია (შპს ძველი უბანი-17524 ლარი) და არ არის წარმოდგენილი რეგიონული ოფისების იჯარის ხარჯები.
- ასეევე საბანკო ამონაწერში ფიქსირდება მხოლოდ გაზეთის ბეჭვდისა და გამოცემის ხარჯები (შპს საგამომცემლო ცენტრი საერთო სიტყვა – 130 000 ლარი) და არ ჩანს, თუ რა ხარჯებთან არის დაკავშირებული ფიზიკური პირების მიერ გაზეთების გავრცელება.
- წარმოდგენილი ინფორმაციებიდან საერთოდ გაურკვეველია ორგანიზაციის სიმბოლიკის ამსახველი მაისურების დამზადებისა და გავრცელების ხარჯები.
- აქტივების რეესტრი არასწორადაა შევსებული (ტექნიკური);
კონტროლის პალატის ვებგვერდზე გამოქვეყნებული ინფორმაციის მიხედვით, სხვადასხვა ხარვეზებით წარადგინეს ფინანსური დეკლარაციები სხვა პოლიტიკურმა გაერთიანებებმა, რომელთა შორის ნაციონალური მოძრაობაცაა, რომლის ორი ტრანზაქციის საკითხია გასარკვევი.
- პოლიტიკური პარტიები და სუბიექტები დეკემბრის შემდეგ არიან ვალდებული, წარუდგინონ ფინანსური ანგარიშები კონტროლის პალატას, რადგანაც ცვლილებები შევიდა პოლიტიკური გაერთიანებების შესახებ კანონში.
