თეა წულუკიანი – პირველი ბლოგერი მინისტრი საქართველოში

“იუსტიციის მინისტრი ბლოგერი გახდა. თეა წულუკიანის ბლოგზე დღეს პირველი ჩანაწერი გაჩნდა, სადაც მინისტრი საქართველოს მოსახლეობას შრომის ახალი კოდექსის მიღებას ულოცავს, თავის მოსაზრებებს გამოთქვამს ახალი კოდექსის შესახებ და ამ მიმართულებით სამომავლო გეგმებზე საუბრობს.” – ინფორმაციას იუსტიციის სამინისტრო ავრცელებს.

განცხადებაში ნათქვამია, რომ მინისტრის აზრით, დღეისათვის ბლოგი ერთ-ერთი საუკეთესო საშუალებაა საზოგადოებასთან პირდაპირი და გულწრფელი ურთიერთობისათვის და ყველა მნიშვნელოვან ფაქტსა თუ მოვლენასთან დაკავშირებით თავისი მოსაზრება ამ ფორმითაც გაანდოს საზოგადოებას.


„გადატვირთული დღის რეჟიმის გამო ხშირად ვერ ვახერხებ ამა თუ იმ საკითხზე კომენტარის გაკეთებას. თუმცა, არის თემები, რომელთა შესახებაც მინდა, საზოგადოებას ჩემი დამოკიდებულებები და მოსაზრებები გავუზიარო. მგონია, რომ ბლოგი ამის საშუალებას მომცემს”, − აცხადებს თეა წულუკიანი.

 

იუსტიციის მინისტრის პირველი ბლოგი შრომის კოდექსზე ასე მთავრდება:

 

“გუშინ ერთ-ერთი ბანკის ფილიალში პირად საქმეზე შევედი. სალაროში ახალგაზრდა ქალბატონმა ღიმილით მთავრობას მადლობა გადაუხადა შრომის კოდექსისათვის და მკითხა:

− და ახლა რას ვაკეთებთ, ვიწყებთ მუშაობას ქალთა უფლებებისთვის?

− დიახ, ქალბატონო!” 

 

 

 

ნეტგაზეთის მასალების სხვა გამოცემებში გადაბეჭდვის წესი
netgazeti.ge