სომხეთის ჯანდაცვის სამინისტროს ცნობით, H1N1 ვირუსის შემთხვევა 27-დან 89-მდე გაიზარდა. ინფორმაციას აღნიშნულის შესახებ “კავკაზსკი უზელი” ავრცელებს.
გამოცემის ცნობით, 6 იანვრის მონაცემებით, ვირუსის მატარებელთა რაოდენობა სომხეთში 27 იყო, მათ შორის 10 ბავშვი, თუმცა ჯანდაცვის სამინისტროს ცნობით, 8 იანვრის მონაცემებით, ღორის გრიპით დაავადებულთა რაოდენობა 89 გახდა.
“მიუხედავად რაოდენობის ზრდისაა, სომხეთში H1N1-ის ეპიდემიის საფრთხე არ არსებობს”- აცხადებენ ჯანდაცვის სამინისტროში.
გრიპის მატარებელთა რაოდენობის ზრდის გამო სომხეთის სკოლებში ზამთრის არდადეგები 18 იანვრამდე გაგრძელდება.
