რია ნოვოსტის ინფორმაციით, აფხაზეთში, გუდაუთაში მდებარე რუსული სამხედრო ბაზის ტერიტორიაზე მიმდინარე წლის ბოლომდე 19 ახალი საცხოვრებელი კორპუსის რემონტი დასრულდება.
ოფიციალური ცნობით, 300 ბინაში ათასზე მეტი რუსი სამხედრო მოსამსახურე და მათი ოჯახები იცხოვრებენ.
რუსული მხარის ცნობითვე, სამხედროების ბინები ყველა აუცილებელი პირობითა და საყოფაცხოვრებო ტექნიკით იქნება უზრუნველყოფილი.
ახალ საცხოვრებელ რაიონში ასევე იფუნქციონირებს 200 ადგილზე გათვლილი სკოლა და 150 აღსაზრდელზე გათვლილი საბავშვო ბაღი.
ფოტო: რია ნოვოსტი/ © Fotolia/ Anna Baburkina
