”ჩემთვის აღმაშფოთებელი იყო მისი სიტყვები -”ტერიტორია, რომელიც რუსეთმა დაიკავა, არის ”ქვების გროვა”, რომელსაც ნულოვანი ღირებულება აქვს, გარდა იმ შემთხვევისა, თუ მას შეტევისთვის (რუსეთი საქართველოს წინააღმდეგ) არ გამოიყენებენ” – ასე გამოეხმაურა ”დემოკრატიული მოძრაობა-ერთიანი საქართველოს” ლიდერი ნინო ბურჯანაძე ბრიტანულ „INDEPENDENT“–ში გამოქვეყნებულ მიხეილ სააკაშვილის ინტერვიუს.
„ვითხოვ, სააკაშვილმა განუმარტოს საქართველოს მოსახლეობას – ქართველ, აფხაზ და ოს ხალხს, რა არის მისთვის ფასეული, თუკი მისთვის სამშობლო ”ქვების გროვაა”?! ესაა პრეზიდენტი, რომელიც ცდილობს შეგვაგუოს, რომ აფხაზეთი და სამაჩაბლო აღარასოდეს იქნება საქართველოს ნაწილი”, – განაცხადა ბურჯანაძემ.
”დემოკრატიული მოძრაობა-ერთიანი საქართველოს” ლიდერის თქმით, საზოგადოებამ არჩევანი უნდა გააკეთოს სააკაშვილსა და ქვეყნის ტერიტორიულ მთლიანობას, საქართველოს ღირსეულ მომავალს შორის, ”რადგან მხოლოდ სააკაშვილის რეჟიმისგან განთავისუფლებულ საქართველოს აქვს ერთიანობისა და განვითარების რეალური შანსი”.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")
