დღეს ბრიტანელმა მოსამართლემ განაცხადა, რომ მას დრო ჭირდება, „ვიკილიქსის“ დამფუძნებლის ჯულიან ასანჟის შვედეთში ექსტრადიციის საკითხი რომ გადაწყვიტოს. ამ ინფორმაციას საინფორმაციო სააგენტო Reuters–ი ავრცელებს. მოსამართლე ჰოვარდ რიდლმა ასანჟის ექსტრადიციის საკითხზე სასამართლო განხილვა 24 თებერვლისთვის დანიშნა.
39 წლის ჯულიან ასანჟი, რომელმაც შეერთებული შტატების მთავრობა თავის ვებ–გვერდზე აშშ–ს დიპლომატების საიდუმლო მიმოწერების გამოქვეყნების გამო განარისხა, შვედეთში სექსუალური დანაშაულის ნიადაგზე აღძრული სისხლის სამართლის საქმის გამო იძებნება.
