აფეთქებები და შეიარაღებული თავდასხმა ინდონეზიის დედაქალაქში [ფოტო]

"ქართული ოცნება" კვლავ აპირებს რუსული კანონის მიღებას. ეს კანონპროექტი 2023 წლის მარტში მასობრივი პროტესტის შემდეგ "ოცნებამ" უკან გაიწვია და პირობა დადო, რომ მას აღარასოდეს დაუბრუნდებოდა.
ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა პუტინის რეჟიმი.

ინდონეზიის დედაქალაქში, ჯაკარტაში დღეს, 14 იანვარს აფეთქებების სერია და შეიარაღებული თავდასხმები მოხდა, რამაც, უკანასკნელი მონაცმებით, სულ მცირე 7 ადამიანი იმსხვერპლა.

BBC–ის ცნობით, აფეთქებები ძირითადად მოხდა ტამრინის ქუჩაზე, სადაც განლაგებულია მაღაზიები და ბიზნესორგანიზაციები. ასევე, ამ ადგილებთან ახლოს განთავსებულია სხვადასხვა ქვეყნის სელჩო და გაეროს ოფისები.

პოლიცია აცხადებს, რომ სიტუაციას აკონტროლებს და მოკლულია ხუთი სავარაუდო თავდამსხმელი.

თავდამსხმებზე პასუხისმგებლობა არც ერთ დაჯგუფებას არ აუღია, თუმცა პოლიცია ვარაუდობს, რომ ეს “ისლამურ სახელმწიფოსთან” დაკავშირებულმა ადგილობრივებმა ჩაიდინეს.

ინდონეზიის პრეზიდენტმა, ჯოკო ვიდოდომ თავდასხმები ტერორისტულ აქტად შეაფასა.

“ყველანი ვგლოვობთ თავდასხმების შედეგად გარდაცვლილებს, მაგრამ ასევე ვგმობთ აქტს, რომელიც ხელს უშლის უსაფრთხოებასა და თესავს ტერორს ჩვენს ხალხში,”– განაცხადა მან.

ფოტორეპორტაჟი მომზადებულია ევროპის პრესფოტოსააგენტოს (EPA) ფოტოებზე დაყრდნობით.