საქართველოს მოქალაქეებისთვის საფრანგეთის ვიზის გაცემის ვადა 2 დღემდე შემცირდება. ამიერიდან ტურისტულ ვიზებს საქართველოს მოქალაქეები 48 საათში მიიღებენ.
“ფრანც პრესის” ცნობით, საფრანგეთის საგარეო საქმეთა მინისტრმა ლორან ფაბიუსმა განაცხადა, რომ 48 საათში ვიზებს მიიღებენ საქართვეელოს, სომხეთის, თურქეთის, ვიეტნამის და ინდონეზიის მოქალაქები. რაც შეეხება ჩინეთის მოქალაქეებს, ისინი ვიზას ერთ დღეში მიიღებენ.
ოფიციალური ინფორმაცია არც საფრანგთის და არც საქართველოს საგარეო საქმეთა სამინისტროებს არ გაუვრცელებიათ.
