ნეტგაზეთი | რეისზე თბილისი- შარმ-ელ-შეიხი მგზავრთა რაოდენობა 80-დან 20-მდე შემცირდა რეისზე თბილისი- შარმ-ელ-შეიხი მგზავრთა რაოდენობა 80-დან 20-მდე შემცირდა – Netgazeti
RU | GE  

რეისზე თბილისი- შარმ-ელ-შეიხი მგზავრთა რაოდენობა 80-დან 20-მდე შემცირდა

ავიაკომპანია ,,აირზენას’’ ჩარტერულ რეისზე, თბილისი- შარმ-ელ-შეიხი მგზავრთა რაოდენობა დღეს 80-დან 20-მდე შემცირდა, – ამის შესახებ “აირზენას” საზოგადოებასთან ურთიერთობის სამსახურის უფროსმა ნინო გიორგობიანმა განაცხადა.

გიორგობიანის თქმით, ავიაკომპანია ბილეთებს ჯარიმის გარეშე დაიბრუნებს.

,,აირზენას’’ ჩარტერულ რეისს შარმ-ელ-შეიხიდან 106 მგზავრი ჩამოყვება.

დღეს ფრენა ეგვიპტის მიმართულებით 23.30 წუთზე განხორციელდება, ხოლო უკან თვითფრინავი დილის 06.00 საათზე დაბრუნდება.

გიორგობიანის თქმით, მგზავრებმა ჩარტერზე თბილისი-შარმ-ელ-შეიხი ბილეთები 25 იანვრამდე დაჯავშნეს.

“აირზენას” პრესსამსახურის ხელმძღვანელი ამბობს, რომ დამატებით რეისზე მოთხოვნა ჯერ არა არის.

,,არ ყოფილა მოთხოვნა დამატებით რეისზე. ჩვენ ვახორციელებთ გეგმურ ჩარტერებს და საჭიროების შემთხვევაში, თუ გახდა აუცილებელი ჩვენი მოქალაქეები გამოვიყვანოთ იქიდან, განვახორციელებთ დამატებით რეისს’’.

ჩარტერული რეისს ეგვიპტის მიმართულებით “აირზენა” კვირაში ერთხელ ახორციელებს. მომავალი ფრენა შარმ-ელ-შეიხის მიმართულებით 7 თებერვალსაა დაგეგმილი.

ეგვიპტის დიდ ქალაქებში მასობრივი გამოსვლები 25 იანვარს დაიწყო. აქციის მონაწილეები პრეზიდენტ ხოსნი მუბარაქის გადადგომას და სოციალური პრობლემების მოგვარებას მოითხოვენ. პოლიციასთან შეტაკებების შედეგადაც დაიღუპა 150-ზე მეტი და დაშავდა 4 ათასამდე ადამიანი.

ნეტგაზეთის მასალების სხვა გამოცემებში გადაბეჭდვის წესი
ნეტგაზეთი