შინაგან საქმეთა მინისტრის ყოფილი მოადგილე, დავით ხუციშვილი ეკონომიკის მინისტრის, დიმიტრი ქუმსიშვილის მოადგილედ დაინიშნა. ამის შესახებ ნეტგაზეთს ეკონომიკის სამინისტროდან შეატყობინეს.
დავით ხუციშვილი შინაგან საქმეთა მინისტრის მოადგილედ 2013 წლის ნოემბერში დაინიშნა; 2012 წლის ნოემბრიდან 2013 წლის ნოემბრამდე კი საქართველოს შინაგან საქმეთა სამინისტროში საფინანსო-სამეურნეო დეპარტამენტის დირექტორი იყო.
მანამდე დავით ხუციშვილი სხვადასხვა კერძო კომპანაში წამყვან პოზიციებზე მუშაობდა, მათ შორის, ონიქს კონსალტინგში, თიბისი ბანკში, ბანკ რესპუბლიკასა და სილქნეტში.
