ნეტგაზეთი | გამომძიებლები ფულის გათეთრების აღმოჩენის ტექნიკას ეუფლებიან გამომძიებლები ფულის გათეთრების აღმოჩენის ტექნიკას ეუფლებიან – Netgazeti
RU | GE  

გამომძიებლები ფულის გათეთრების აღმოჩენის ტექნიკას ეუფლებიან

იუსტიციის სასწავლო ცენტრში საგამოძიებო სამსახურების თანამშრომლებისთვის  ტრენინგი მიმდინარეობს. სწავლების თემა ფულის გათეთრება და ფინანსური დანაშაულის გამოძიებაა.

ინფორმაციას იუსტიციის სამინისტროს ოფიციალური ვებგვერდი ავრცელებს.

ბაზელის ინსტიტუტის ქონებრივი დანაშაულის კვლევის საერთაშორისო ექსპერტები მთავარი პროკურატურის, ფინანსთა სამინისტროსა და გარემოს დაცვის საგამოძიებო სამსახურის თანამშრომლებთან ერთად ისეთ საკითხებზე მსჯელობენ,  როგორებიცაა – ფულის გათეთრება, ელექტრონული მტკიცებულებების შეგროვება, შემოსავლების წარმოშობის დადგენა, სამართლებრივი ურთიერთდახმარება და სხვა.

ტრენინგი ინტერაქტიულია, ექსპერტები და მონაწილეები ფიქტიურ საქმეებს განიხილავენ და მათი გამოძიების სქემას ადგენენ.  სწავლების ბოლოს კი თითოეული მონაწილე  დამოუკიდებლად წარმოადგენს ერთი ფიქტიური საქმის გამოძიების პრეზენტაციას.

სემინარი უცხოელ ექსპერტთა ხელმძღვანელობით 30 იანვრამდე გასტანს. ტრენინგის დასრულების შემდეგ მის ყველა მონაწილეს შესაბამისი სერთიფიკატი გადაეცემა.

ნეტგაზეთის მასალების სხვა გამოცემებში გადაბეჭდვის წესი
ნეტგაზეთი