თუმცა პირველ საინფორმაციო კავკასიურს მიხეილ სააკაშვილი, სავარაუდოდ, დღეს არ ესტუმრება, რადგან მისი ჩართვა პირდაპირ ეთერში რუსთავი2–ის სტუდიიდან იგეგმება.
ნეტგაზეთის კითხვაზე, არის თუ არა დღეს პიკის სტუმარი მიხეილ სააკაშვილი, მანჯგალაძე გვპასუხობს, რომ მან არ იცის.
“ჩვენი სტუდიიდან არა, არ ვიცი, ვერ დაგიზუსტებთ, ვერ გეტყვით” – ამბობს პიკის საზოგადოებასთან ურთიერთობის სამსახურის წარმომადგენელი ინგა ნიკაგოსიანი.
საზოგადოებრივი მაუწყებლის პირველი არხის გადაცემა “დიალოგის” ავტორი, ჟურნალისტი დავით პაიჭაძე, ამბობს, რომ თავად ტელეკომპანია მზის შენობაში (სადაც პირველი საინფორმაციო კავკასიურია განთავსებული) მიწვეულ ჟურნალისტებთან ერთად ჩაერთვება პირდაპირ ეთერში. იგი იქნება მედიატორი ჟურნალისტებსა და პრეზიდენტს შორის.
პაიჭაძე ამბობს, რომ პრეზიდენტი მიხეილ სააკაშვილი, მისი ინფორმაციით, რუსთავი 2–ის სტუდიიდან ჩაერთვება პირდაპირ ეთერში.
