პარლამენტის წინ დევნილთა სოლიდარობისადმი მიძღვნილი აქცია მიმდინარეობს. აქციაზე 300–მდე ადამიანია მისული, მათ შორის არიან ოპოზიციური პოლიტიკური პარტიების წარმომადგენლები, რომლებიც მოსახლეობის მეტი აქტიურობისა და აქციაზე მისვლისკენ მოუწოდებენ.
აქციის მონაწილეები, რომელთა უმრავლესობას გუშინ და დღეს თბილისის სხვადასხვა კორპუსიდან იძულებით გამოსახლებული დევნილები შეადგენენ, აპირებენ სპეციალური მიმართვები დაუგზავნონ საერთაშორისო ორგანიზაციებს და თავშესაფრის მოთხვნით მიმართონ საქართველოში აშშ–ს საელჩოს.
აქციის მონაწილეების თქმით, ხვალიდან ისინი უკვე პრეზიდენტის სასახლესთან შეიკრიბებიან და იქ გააპროტესტებენ დევნილების გამოსახლების ფაქტს.
