ახალი ამბები

RuLeaks და პუტინის ფეშენებელური სასახლე

19 იანვარი, 2011 • • 1933
RuLeaks და პუტინის ფეშენებელური სასახლე

 

სასახლის ექსტერიერი
სასახლის ექსტერიერი
ჰაკერებმა გუშინ ვიკილიქსის მსგავსი რუსული საიტი RuLeaks.net დაბლოკეს. ვებგვერდმა სამშაბათს გაავრცელა ფეშენებელური სასახლის ფოტოები, რომელიც შავი ზღვის სანაპიროზე მდებარეობს. ავტორების მტკიცებით, სასახლის ღირებულება 1 მილიარდი დოლარია და  რუსეთის პრემიერ მინისტრ ვლადიმერ პუტინს ეკუთვნის. ამის შესახებ თავად RuLeaks.net-ის დამფუძნებელმა, „რუსული მეკობრული პარტიის“ ხელმძღვანელმა პაველ რასუდოვმა განაცხადა.

 

„რუსულმა მეკობრულმა პარტიამ“ 2011 წლის 14 იანვარს  სპეციალური განცხადება გაავრცელა. მათ ხალხს მოუწოდეს, RuLeaks.net-ისთვის მიეწოდებინათ ნებისმიერი დოკუმენტი, ფოტო, ვიდეო და აუდიომასალა, რაც ხელისუფლების უკანონო და კორუფციულ საქმეებთან იქნებოდა დაკავშირებული.

ინტერიერი
ინტერიერი

საიტის დამფუძნებლების თქმით, მათ სპეციალური უსაფრთხოების ზომები ჯერ კიდევ ვებგვერდის ამუშავებმადე მიიღეს. RuLeaks.net-ის ჰოსტინგი განთავსებულია რუსეთის ფარგლებს გარეთ, დომენიც უცხოური კომპანიისგან შეიძინეს. გარდა ამისა, ნებისმიერი ახლადატვირთული ინფორმაცია პარალელურად იტვირთება სოციალური ქსელების სპეციალურ გვერდებზე.

ამერიკულმა გამოცემამ ვაშინგტონ პოსტმა გასული წლის დეკემბერში გამოაქვეყნა ვინმე სერგეი კოლესნიკოვის ინტერვიუ. მაშინ კოლესნიკოვმა განაცხადა, რომ ვლადიმერ პუტინი შავი ზღვის სანაპიროზე ფეშენებელურ აგარაკს ფლობდა, რომელიც რუსი ბიზნესმენების მიერ შექმნილი ფონდიდან მოძიებული თანხით შენდებოდა. მისივე თქმით, რუსმა ბიზნესმენებმა პუტინის სასახლის მშენებლობა იმ მოტივით დააფინანსეს, რომ სამომავლოდ მათი ბიზნესი ხელშეუხებელი იქნებოდა.

პუტინის პრესსპიკერმა ვაშინგტონ პოსტის მიერ გავრცელებული ინფორმაცია კატეგორიულად უარყო.

საძინებელი
საძინებელი

მასალების გადაბეჭდვის წესი