ნეტგაზეთი | გადამზიდავ კომპანიებს თბილისის მერია პირველ თებერვლამდე შეარჩევს გადამზიდავ კომპანიებს თბილისის მერია პირველ თებერვლამდე შეარჩევს – Netgazeti

გადამზიდავ კომპანიებს თბილისის მერია პირველ თებერვლამდე შეარჩევს

მერიის კონკურსში გამარჯვებული ფირმები, რომლებიც თბილისის კონკრეტულ რაიონებში სამგზავრო გადაყვანებს უზრუნველყოფენ, 1 თებერვლამდე გამოვლინდებიან.

ამის შესახებ ნეტგაზეთს მერიის პრესამსახურიდან აცნობეს.

კონკურსზე განცხადების შეტანის ვადა 14 იანვარს, დღის 4 საათზე, ამოიწურა. თბილისის რაიონები 5 ლოტადაა დაყოფილი. 5 ლოტზე მერიაში სულ 8 განაცხადია შესული.

რეგულარული სამგზავრო გადაყვანის ნებართვის მოპოვებას შპს ,,თბილ ლაინი’’ ორ რაიონზე – ვაკე-საბურთალოსა და გლდანი-ნაძალადევში ითხოვს; დანარჩენი 6 კომპანია კი –  შპს ,,ვაკე-საბურთალო 2011’’; შპს ,,კაპიტალ გრუპი’’; შპს ,,ძველი თბილისი’’; შპს ,,თბილ ქარ’’; შპს ,,გლდანი-ნაძალადევი’’; შპს ,,ფაბლიქ ქარ’’ – მხოლოდ ერთ რაიონზე.

კონკურსში გამარჯვებულ კომპანიებს სპეციალური კომისია გამოავლენს. კომისია თბილისის მერიის, თბილისის საკრებულოსა და საქართველოს საავტომობილო ტრანსპორტისა და გზების მუშაკთა პროფესიული კავშირის წარმომადგენლებითაა დაკომპლექტებული.

ნეტგაზეთის მასალების სხვა გამოცემებში გადაბეჭდვის წესი
ნეტგაზეთი