ნეტგაზეთმა საჩხერეში წყაროსთან გადაამოწმა გავრცელებული ინფორმაცია, ბიძინა ივანიშვილის მიერ საქართველოდან მისი ოჯახის წევრების გახიზვნის თაობაზე. ნეტგაზეთის წყარომ საჩხერის რაიონის სოფელ ჭორვილადან, სადაც ბიძინა ივანიშვილი ოჯახთან ერთდ ცხოვრობს, შეგვატყობინა, რომ ივანიშვილის დედა ამჟამად სახლში იმყოფება
ქართველ ბიზნესმენს საჩხერეში არც პროექტების განხორციელება შეუწყვეტია. რამდენიმე მშენებლობა, რომელსაც ივანიშვილი ახორციელებდა, ახლაც მიმდინარეობს.
გარდა ამისა, ის ადამიანები, რომლებიც ფინანსურ დახმარებას იღებდნენ საჩხერეში უშუალოდ ივანიშვილისგან, ასევე, შეფერხების გარეშე იღებენ ბიზნესმენისგან თანხებს.
დღეს რამდენიმი ქართულმა მედიასაშუალებამ გაავრცელა ინფორმაცია, რომ ბიძინა ივანიშვილმა საკუთარი ოჯახის წევრები და ახლო ნათესავები საქართველოდან გახიზნა და საქართველოში ყველა ის პროექტი შეაჩერა, რასაც აქამდე ახორციელებდა. აღნიშნული ინფორმაციის თანახმად, ამის მიზეზი საქართველოს ხელისუფლების მხრიდან ივანიშვილის შევიწროვება გახდა.
