წყარომ ნეტგაზეთს გალის რაიონის სოფელ ოტობაიაში აშენებული ახალი რუსული სამხედრო ბაზის ფოტოები გამოუგზავნა. სამხედრო ბაზა გალის რაიონში ენგურის ხიდიდან დაახლოებით 600 მეტრშია აშენებული. მისი აშენება რუსმა სამხედროებმა 2008 წლის რუსეთ–საქართველოს ომის შემდეგ დაიწყეს და ძირითადი სამუშაოები ცოტა ხნის წინ დაასრულეს. ნეტგაზეთის წყაროს ინფორმაციიით, მშენებლობაზე, ძირითადად, ჩრდილოკავკასიელები, კონკრეტულად კი, ყაბარდოელები მუშაობდნენ. ადგილობრივებს სამხედრო ბაზის აშენებაში მონაწილეობა არ მიუღიათ. რუსულ ბაზაზე ჯერჯერობით მხოლოდ რამდენიმე ათეული ჯარისკაცი იმყოფება, სამხედრო ბაზის ტერიტორიაზე აშენებული ფეშენებელური შენობა-ნაგებობები კი დაახლოებით ათას კაცზეა გათვლილი. ჯერჯერობით შეუძლებელია იმის გარკვევა, სამხედრო ბაზაზე რუსებს რა ტიპის და რა რაოდენობის სამხედრო ტექნიკა აქვთ განთავსებული.
![„ჩალის ფასიც არა, ჩალაძის ფასი აქვს [ევროპარლამენტის] რეზოლუციას“ — კობახიძე](https://netgazeti.ge/wp-content/uploads/2024/03/Untitled-design-4-13.jpg "„ჩალის ფასიც არა, ჩალაძის ფასი აქვს [ევროპარლამენტის] რეზოლუციას“ — კობახიძე")
