მიუსაფართა ახალი თავშესაფარი თბილისში [ფოტო]

სოფელ დიდ ლილოში მიუსაფართა თავშესაფრის სარემონტო სამუშაოები, თითქმის, დასრულებულია. ბენეფიციარები ახალ თავშესაფარში, სავარაუდოდ, ახალ წლამდე ერთი კვირით ადრე გადავლენ.

ახალი თავშესაფარი 240 ბენეფიციარზეია გათვლილი. ოფიციალური მონაცემებით, ამჟამად, მოსკოვის გამზირზე მდებარე თავშესაფარში 200-ზე ნაკლები ადამიანი ცხოვრობს.

ახალი თავშესაფრის ერთსართულიანი შენობა ორ ფლიგელად არის დაყოფილი. საერთო ჯამში, შენობაში 24 საძინებელია, [ერთ საძინებელში რამდენიმე ორსართულიანი საწოლია], სველი წერტილები, სასადილო ოთახი, მედპუნქტი, სტაციონარი, ფსიქოლოგის კაბინეტი. ყველა ოთახში, მათ შორის აბაზანაში დამონტაჟებულია გათბობის სისტემა და ვენტილაცია.

თბილისის მერიაში განმარტავენ, რომ თავშესაფარი უზრუნველყოფილი იქნება გაზმომარაგებით, ხანძარსაქრობითა და საქვაბით.

პროექტისათვის დედაქალაქის ბიუჯეტიდან 1 600 000 ლარია გამოყოფილი. სამშენებლო სამუშაოებს ტენდერში გამარჯვებული კომპანია „RSP 40“ აწარმოებს.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.