ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

სომხეთის პრემიერ-მინისტრის, ნიკოლ ფაშინიანის განცხადებით, ერევანს რუსული 102-ე სამხედრო ბაზის ქვეყნიდან გაყვანის საკითხი მოსკოვთან ჯერ არ დაუყენებია.

რუსეთის 102-ე სამხედრო ბაზა სომხეთის ქალაქ გიუმრიშია განთავსებული. ბაზა 1995 წელს გაფორმებული შეთანხმების საფუძველზე მოქმედებს. 2010 წელს მხარეებმა ბაზის განთავსების ვადა 2044 წლამდე გაახანგრძლივეს.

ამის შესახებ ფაშინიანმა 3 სექტემბერს გამართულ ბრიფინგზე განაცხადა, როდესაც პირველ სექტემბერს ბიშკეკში რუსეთის პრეზიდენტ ვლადიმერ პუტინთან შეხვედრასა და მის შემდეგ გაკეთებულ განცხადებებს გამოეხმაურა.

„ამ დროის განმავლობაში ჩვენ არც ერთხელ არ დაგვიყენებია სომხეთში განთავსებული რუსეთის 102-ე სამხედრო ბაზის საკითხი. თუმცა არ შეიძლება ითქვას, რომ რუსული ბაზის ყოფნა სასიცოცხლოდ აუცილებელი მიგვაჩნია. თუ რუსეთი გადაწყვეტს, გაიყვანოს სამხედრო ბაზა სომხეთის რესპუბლიკიდან, ჩვენ წინააღმდეგი არ ვიქნებით. მაგრამ თუ დარჩენის სურვილს გამოთქვამენ, ამის განხილვაც მზად ვართ. თუმცა ამ ხნის განმავლობაში ეს საკითხი არასდროს დაგვიყენებია“, – განაცხადა ფაშინიანმა.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.