ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

საქართველოს საგარეო საქმეთა სამინისტრო ღრმა მწუხარებას გამოთქვამს ნეპალსა და ჩინეთში მომხდარი დამანგრეველი წყალდიდობების გამო.

„გულწრფელ სამძიმარს ვუცხადებთ იმ ოჯახებს, რომლებმაც საყვარელი ადამიანები დაკარგეს, და ყველას, ვინც ამ ტრაგედიის შედეგად დაზარალდა. დაშავებულებს სწრაფ გამოჯანმრთელებას ვუსურვებთ და სოლიდარობას ვუცხადებთ სამაშველო ოპერაციებში ჩართულ პირებსა და ყველას, ვინც დაუღალავად მუშაობს დახმარების საჭიროების მქონე ადამიანების დასახმარებლად“, — ნათქვამია საგარეო უწყების მიერ X-ზე გამოქვეყნებულ განცხადებაში.

ამასთნ, უწყება ამბობს, რომ კავშირზეა ნეპალში მყოფ საქართველოს რამდენიმე მოქალაქესთან, რომლებიც უსაფრთხოდ იმყოფებიან.

„ამ დრომდე, სტიქიის ზონაში საქართველოს მოქალაქეების ყოფნის შესახებ სამინისტროში ინფორმაცია არ შემოსულა. საგარეო საქმეთა სამინისტრო კავშირზეა შესაბამის უწყებებთან“, — უთხრეს „ნეტგაზეთს“ უწყებაში.

წყალდიდობის შედეგად გარდაცვლილთა რიცხვი ნეპალში 359-მდე გაიზარდა, 900-ზ მეტი ადამიანი კი დაკარგულად ითვლება. ტიბეტში დაკარგულად ითვლება სულ მცირე 558 ადამიანი, სამი დაღუპულია, თუმცა უცნობია, ემთხვევა თუ არა ეს მონაცემები ნეპალის მონაცემებს.

ოთხშაბათს დილით ჰიმალაის მთებში მყინვარის ქვედა ნაწილი ჩამოიშალა და ხეობაში ჩამოწვა, რაც, ექსპერტების ვარაუდით, შესაძლოა მიწისძვრამ გამოიწვია. ყინულისა და კლდის ზვავმა მდინარე ლისდე-ხოლას კალაპოტში ჩამოიარა, რომელიც მთიან საზღვარს მიუყვება. მეწყერმა დაარტყა გირონგის პორტს ტიბეტში, ამ ობიექტზე ჩინეთ-ნეპალის ვაჭრობის თითქმის მესამედი მოდის.

აშშ-ის გეოლოგიურმა სამსახურმა განაცხადა, რომ მიწისძვრა, რომლის მაგნიტუდა თავდაპირველად 4.4-ად შეფასდა, სინამდვილეში გამოწვეული იყო მყინვარული კლდისა და ყინულის ჩამოშლით, რასაც ღვარცოფული ნაკადის მოძრაობა მოჰყვა.

ნეპალში 1500-მდე ადამიანი დაკარგულად ითვლება – სამაშველო სამუშაოები გრძელდება

 

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.