ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

აშშ-ის სახელმწიფო მდივანმა, მარკო რუბიომ განაცხადა, რომ რუსეთი საკმაოდ უკკმაყოფილოა აშშ-ის სომხეთთან ჩართულობით.

რუბიომ ეს განცხადება აშშ-ის სენატის საგარეო ურთიერთობათა კომიტეტში კანონმდებლების ინფორმირებისას გააკეთა, სადაც TRIPP-ის პროექტზე ისაუბრა.

„ვფიქრობ, ღია წყაროებში გავრცელებული ინფორმაციიდან ეს საკმაოდ კარგად არის გასაგები – რუსები ნაკლებად კმაყოფილი არიან ჩვენი ჩართულობით იქ. არსებობს ნიშნები, რომ მათ სურთ, ამჟამინდელმა [პრემიერმა] არჩევნები წააგოს, რაც აშშ-თან მზარდი ურთიერთობის შედეგი იქნება. ნათლად ვამბობ: ჩვენ იქ არ ვართ სომხეთის სუვერენიტეტის დასარღვევად. ჩვენ არ ვითხოვთ, რომ მათ სხვა ქვეყნებთან მეგობრობა არ ჰქონდეთ. ჩვენ უბრალოდ გვინდა მათთან ისეთი ურთიერთობა გვქონდეს, რომელიც მხოლოდ მშვიდობაზე არ იქნება დაფუძნებული. მშვიდობა მნიშვნელოვანია, მაგრამ ეს მხოლოდ დასაწყისია“, – განაცხადა რუბიომ.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.