ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

სახელმწიფო უსაფრთხოების სამსახურის ყოფილ უფროსს, გრიგოლ ლილუაშვილს, აღკვეთის ღონისძიების სახით პატიმრობა შეეფარდა.

გადაწყვეტილება მოსამართლე არსენ კალატოზიშვილმა მიიღო.

თავად გრიგოლ ლილუაშვილმა წარდგენის სხდომაზე დასწრებაზე უარი განაცხადა. მისი თქმით, 24 საათი საქმის მასალების გასაცნობად არ ეყოფა და ეს არის საფუძველი სხდომაზე არდასწრების. ლილუაშვილის განცხადება ადვოკატმა, რობერტ გრიგალაშვილმა წარმოადგინა.

პროკურატურის მოთხოვნით, სხდომა დახურულ რეჟიმში წარიმართა. ჟურნალისტებსა და ლილუაშვილის ოჯახის წევრებს დარბაზი დაატოვებინეს.

სუს-ის ყოფილ უფროსი 23 დეკემბერს დააკავეს. გრიგოლ ლილუაშვილს ბრალად ედება განსაკუთრებით დიდი ოდენობით ქრთამის აღება პროკურატურის წარმოებაში არსებულ რამდენიმე სისხლის სამართლის საქმეში.

გრიგოლ ლილუაშვილი დააკავეს

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.