19 ნოემბერს თბილისის საჯარო სკოლების მეთორმეტეკლასელები მორიგი საპროტესტო აქციის გამართვას გეგმავენ. აქციას ორგანიზებას საინიციატივო ჯგუფი უწევს, რომელშიც თბილისის 70–მდე სკოლის მოსწავლეა გაერთიანებული. საინიციატივო ჯგუფის წევრები თბილისის ქუჩებსა და სკოლების მიმდებარე ტერიტორიაზე საინფორმაციო ფლაერებს ავრცელებენ, რათა აქციაზე რაც შეიძლება მეტი მხარდამჭერის მობილიზება მოახერხონ.