ბილაინის აბონენტებთან დაკავშირება დაახლოებით ნახევარი საათია ვერ ხერხდება. ასევე ვერ ხერხდება კომპანიის საზოგადოების სამსახურთან კავშირის დამყარება, რადგან ისინიც ბილაინის აბონენტები არიან.
ნეტგაზეთი დაუკავშირდა კომპანიის აბონენტებთან მომსახურების ცენტრს. მათი თქმით, ქსელი დაახლოებით ნახევარი საათია შიდა პრობლემების გამო გათიშულია.
“ახლა მიმდინარეობის სამუშაოები და კავშირი მალე აღდგება”,–განგვიცხადეს აბონენტთა მომსახურების ცენტრში.
ბილაინის ქსელის აბონენტებთან დაკავშირება, კავშირის არარსებობის გამო, ვერ ხერხდებოდა 19 ოქტომბერს. კომპანიამ მეორე დღეს ბოდიში მოიხადა და დაზარალებულ აბონენტებს და შიდა ქსელში სასაუბროდ 60 წუთი აჩუქა.
