2025 წელს აზერბაიჯანმა შესაძლოა ECHR-ის გადაწყვეტილებების შეუსრულებლობით პირველი ადგილი დაიკავოს – ევროპის ადამიანის უფლებათა სასამართლოს (ECHR) მიერ აზერბაიჯანთან დაკავშირებით მიღებული 542 გადაწყვეტილებიდან 343 დღემდე შეუსრულებელია ქვეყნის მთავრობის მიერ – წერს meydan.tv

აზერბაიჯანის მოქალაქეებს, რომლებმაც 2001 წელს, ევროპის საბჭოში გაწევრიანების შემდეგ,  ვერ მიიღეს სამართალი ეროვნულ სასამართლოებში, შესაძლებლობა აქვთ მიმართონ ECHR-ს. 2025 წლის დასაწყისის მონაცემებით, აზერბაიჯანთან დაკავშირებით ECHR-ში შეტანილია 1,968 საჩივარი, საიდანაც 1,113 საქმე ჯერ კიდევ მოლოდინის რეჟიმშია.

დღემდე ECHR-მა აზერბაიჯანთან დაკავშირებულ 542 საქმეზე გამოიტანა გადაწყვეტილება, მათ შორის 7 – ბოლო პერიოდში.

ევროპის საბჭოს უახლესი მონაცემების მიხედვით, აზერბაიჯანის მთავრობამ სრულად შეასრულა მხოლოდ 192 საქმე, რაც მათი დახურვით დასრულდა. ახლად გამოცემული გადაწყვეტილებების გამოკლებით, 343 გადაწყვეტილება კვლავ შეუსრულებელია და აღსრულების პროცედურები მიმდინარეობს.