მოქალაქეებს, რომლებიც “ოცნების ქალაქში” დაღუპული ბავშვების ოჯახების მხარდასაჭერად შეიკრიბნენ კვერცხები და ხილი – მანდარინი, ფორთოხალი და ა.შ. საცხოვრებელი კორპუსის ფანჯრიდან ნასროლი ნივთები მოქალაქეებს თავში მოხვდათ. ბევრი მათგანი აქციაზე მცირეწლოვან ბავშვებთან ერთად იყო მოსული.

აქციის მონაწილეებმა გამოიძახეს პოლიცია. ისინი სამართალდამცველებისგან დროულ და ეფექტიან რეაგირებას ითხოვებ. თუმცა, მათი ნაწილი წუხს, რომ პოლიცია აჭიანურებს რეაგირებას.

“იმ ბავშვებს ესროლეს ეს ყველაფერი” – ისმის შეძახილები ადგილიდან.

მოქალაქეები ეკონომიკის სამინისტროსთან დაახლოებით ორი საათის წინ შეიკრიბნენ. ისინი ბავშვების გარდაცვალებაზე პასუხისმგებლობას სახელმწიფოს აკისრებენ და მოითხოვენ, დაისაჯონ მომხდარში დამნაშავე პირები.

აქციის დასრულების შემდეგ ისინი მარშით გაემართნენ რუსთაველის გამზირზე, პარლამენტის შენობისკენ. სწორედ ამ დროს, კულტურის სამინისტროსთან ახლოს, საცხოვრებელი კორპუსიდან მათ ფანჯრიდან ესროლეს კვერცხები და ხილი.

„ოცნების ქალაქში“ ორი ბავშვი 15 თებერვალს წყლით სავსე თხრილში ჩავარდა. პირველადი ინფორმაციით, ბავშვები რამდენიმე საათიანი ძებნის შემდეგ იპოვეს და კლინიკაში გადაიყვანეს, თუმცა მათი გადარჩენა ექიმებმა ვეღარ შეძლეს.

შს სამინისტროს ცნობით, გამოძიება დაწყებულია სისხლის სამართლის 116-ე მუხლით – სიცოცხლის მოსპობა გაუფრთხილებლობით.

ამავე თემაზე:

• იოსელიანი ბათუმში მომხდარი ტრაგედიის გამოძიებას მოითხოვს, “რათა დადგინდეს პასუხისმგებელი პირები” 
• “მომხდარი ტრაგედია სახელმწიფო სტრუქტურების უმოქმედობას ადასტურებს” – საია
• „ოცნების“ გამოხმაურება „ოცნების ქალაქში“ ბავშვების დაღუპვაზე