გარდაიცვალა სპარტაკ ლეკიაშვილი, რომელიც 2023 წელს ბახმუტში მძიმედ დაიჭრა.
ლეკიაშვილი საფრანგეთში გადიოდა მკურნალობას, იქამდე კი- უკრაინასა და საქართველოში.
მისი ოჯახის ახლობელი, ია ამირანაშვილი, „რადიო თავისუფლებასთან“ საუბარში ამბობს, რომ გარდაცვალების ზუსტი მიზეზი ჯერ უცნობია, თუმცა საუბარია, ჯანმრთელობის უეცარ გართულებაზე.
„ სპარტაკის ჯანმრთელობის მდგომარეობა საკმაოდ მძიმე იყო. გარდა იმისა, რომ ომში მიღებული ტრავმის შემდეგ მხედველობა დაკარგა, ის სრულად პარალიზებული იყო“, – აცხადებს იგი.
საგარეო საქმეთა სამინისტროს ცნობით, მიმდინარეობს გარდაცვლილის საქართველოში გადმოსვენების პროცედურები.
