სომხეთის პრემიერ მინისტრმა, ნიკოლ ფაშინიანმა პლატფორმა “X”-ზე კობახიძესა და “ქართულ ოცნებას” საპარლამენტო არჩევნებში გამარჯვება მიულოცა.
“ვულოცავ საქართველოს პრემიერ-მინისტრს, ირაკლი კობახიძეს და პარტია “ქართულ ოცნებას” საპარლამენტო არჩევნებში გამარჯვებას. მჯერა, რომ სომხეთი-საქართველო სტრატეგიული ურთიერთობები გააგრძელებს მდგრად განვითარებას – სომეხი და ქართველი მოძმე ხალხების საკეთილდღეოდ,” – წერს ფაშინიანი.
ვულოცავ საქართველოს პრემიერ-მინისტრს, ირაკლი კობახიძეს და პარტია „ქართულ ოცნებას“ საპარლამენტო არჩევნებში გამარჯვებას. მჯერა, რომ სომხეთი-საქართველო სტრატეგიული ურთიერთობები გააგრძელებს მდგრად განვითარებას – 🇦🇲 და 🇬🇪 მოძმე ხალხების საკეთილდღეოდ
— Nikol Pashinyan (@NikolPashinyan) October 27, 2024
ცენტრალური საარჩევნო კომისიის წინასწარი მონაცემებით, ამ დროისთვის დათვლილია უბნების 71% და „ქართული ოცნება“ 53%-ით ლიდერობს.
2206 უბნის მონაცემებით, პარტიების შედეგები შემდეგნაირად ნაწილდება:
- „ქართული ოცნება“ — 53%
- კოალიცია ცვლილებებისთვის — 11%
- ნაციონალური მოძრაობა — 9,8%
- ძლიერი საქართველო — 9%
- გახარია საქართველოსთვის — 8%
რაც შეეხება სხვა პარტიებს, წინასწარი მონაცემებით მათ ბარიერი ვერ გადალახეს.
ცნობისთვის: შედეგები დამრგვალებულია
