ნეტგაზეთი | აფხაზეთის მთავრობის საიტი გაითიშა აფხაზეთის მთავრობის საიტი გაითიშა – Netgazeti
RU | GE  

აფხაზეთის მთავრობის საიტი გაითიშა

აფხაზეთის მთავრობის ოფიციალური ინტერნეტ გვერდი გათიშულია. “ვებ გვერდზე განხორციელდა კიბერ შეტევა”– ეს ის სიტყვებია, რომელიც ამ წუთებში საიტზე დევს.

აფხაზეთის მთავრობის ოფიციალური ინტერნეტ გვერდი გათიშულია. “ვებ გვერდზე განხორციელდა კიბერ შეტევა”– ეს ის სიტყვებია, რომელიც ამ წუთებში საიტზე (abkhazia.gov.ge)დევს.

როგორც აფხაზეთის მედია ცენტრში ნეტგაზეთს განუცხადეს, ბოლო ერთი კვირის მანძილზე საიტი დავირუსებული იყო. საიტზე , მათი თქმით, ჰაკერი ცვლიდა ინფორმაციის ელემენტებს. გუშინ ღამე კი საიტი სრულად გაითიშა. 

ამ წუთებში საიტის აღდგენითი სამუშაოები მიმდინარეობს.

მედია ცენტრში გვითხრეს, რომ კომპიუტერის აიპით დაადგინეს, რომ საიტის გატეხვა რუსეთიდან მოხდა. კერძოდ, ეს არის ნევინმომისის ოლქში მცხოვრები ვინმე ვლადიმერი.

2008 წლის აგვისტოს ომის დროს ქართულ სამთავრობო საიტებზე განხორციელებული კიბერ შეტევის შემდეგ, ეს მეორე შემხვევაა, როცა აღნიშნული სამთავრობო საიტი გაითიშა.

18 ოქტომბერს საკრებულოს საიტიც გატყდა.”hacked by innocent hacker”,- ეს ის სიტყვებია, რომლებიც საკრებულოს საიტზე  18 ოქტომბრის დილას თანამშრომლებს დახვდათ.

რაც შეეხება საკრებულოს საიტს, სისხლის სამართლის საქმეა აღძრული და სამართალდამცავები არკვევენ, თუ როგორ  და ვის მიერ მოხდა საიტის გატეხვა. საიტმა მუშაობა განაახლა.

ამავე თემაზე:

საკრებულოს საიტი გატეხეს

ნეტგაზეთის მასალების სხვა გამოცემებში გადაბეჭდვის წესი
ნეტგაზეთი