ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

ბუნდესტაგის საგარეო ურთიერთობათა კომიტეტის თავმჯდომარე მიხაელ როთი საქართველოსა და სომხეთში ვიზიტს გეგმავს.

„მოუთმენლად ველი შეხვედრებს მეგობრებთან, მოკავშირეებთან და თავდადებულ ევროპელებთან საქართველოსა და სომხეთში“, — წერს როთი X-ზე.

გერმანელი დეპუტატის ვიზიტი თბილისში 16-18 სექტემბერს, სომხეთში კი — 18-19 სექტემბერს იგეგმება.

მიხაელ როთი ბუნდესტაგის საგარეო ურთიერთობათა კომიტეტის თავმჯდომარეა, რომელიც „ქართული ოცნებისადმი“ კრიტიკულადაა განწყობილი. ის იყო ერთ-ერთი პირველი პოლიტიკოსი, რომელმაც მმართველ პარტიას „ქართული კოშმარი“ უწოდა. მიმდინარე წლის მაისში, როდესაც როთი თბილისში იმყოფებოდა, რუსული კანონის საწინააღმდეგო აქციაზეც მივიდა.

გასულ კვირას პრემიერ-მინისტრმა ირაკლი კობახიძემ მიხაილ როთი დაასახელა ერთ-ერთ მიზეზად, რის გამოც არ შეხვდა საქართველოში ვიზიტით ჩამოსულ გერმანიის ბუნდესტაგის დელეგაციას, რომლის შემადგენლობაშიც მიხაილ როთი საერთოდ არ იმყოფებოდა.

კობახიძე ბუნდესტაგის წევრებს იმ დეპუტატის გამოც არ შეხვდა, რომელიც დელეგაციაში არ ყოფილა

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.